Blog Detail

திருக்குர்ஆனின் பக்கம் மீள்வோம்

“திருக்குர்ஆனின் பக்கம் மீள்வோம்” அரங்கக் கூட்டம் மிகச் சிறப்பாக 06.01.2023 | வெள்ளிக்கிழமையன்று மாலை சென்னை எழும்பூரில் இருக்கும் சிராஸ் ஹாலில் மிகச் சிறப்பாக நடைபெற்றது. ஆயிரத்திற்கும் மேலான மக்கள் இதில் கலந்து கொண்டனர். ஜமாஅத்தே இஸ்லாமி ஹிந்த், சென்னை மெட்ரோ தலைவர் ஜனாப் நசீர் அதாவுல்லாஹ் அவர்கள் துவக்கவுரையாற்றினார். ஜமாஅத்தே இஸ்லாமி ஹிந்த், தமிழ்நாடு மற்றும் புதுச்சேரி மாநிலத் தலைவர் மௌலவி முஹம்மத் ஹனீஃபா மன்பயீ அவர்கள் தலைமையுரை ஆற்றினார். இஸ்லாமி நிறுவனம் அறக்கட்டளையின் துணைத் தலைவர் டாக்டர் கே.வி.எஸ் ஹபீப் முஹம்மத் அவர்கள் சிறப்புரையாற்றினார். உருதுவில் சகோதரி ஃபாக்கிரா அதீக் அவர்களும், ஆங்கிலத்தில் ஜீனத் ஹபீப் அவர்களும் உரையாற்றினார்கள். அனைவரும் திருக்குர்ஆனின் முக்கியத்துவத்தைப் பற்றியும், உலக மக்கள் அனைவருக்கும் நேர்வழிகாட்ட வந்த இறுதி வேதம் என்பதைப்பற்றியும், அதனை பொருளுணர்ந்து படித்து அதனை நமது வாழ்வில் பின்பற்றி வாழ வேண்டும் என்றும் மிகவும் வலியுறுத்திக்கூறினர். மாணவ மாணவிகளுக்கு நடத்தப்பட்ட பல்வேறு போட்டிகளில் வெற்றி பெற்றவர்களுக்கு பரிசுகள் மற்றும் சான்றிதழ்கள் வழங்கப்பட்டன. இந்த அரங்கக்கூட்டத்தில் புத்தக விற்பனை நிலையமும், கண்காட்சியும் அமைக்கப்பட்டிருந்தன. மக்கள் திரளாக கலந்துகொண்டு பயனடைந்தனர்.